يـــــــــــوم زفـــــــاف ........ ونهـــــــــاية مطــــــــــاف

ركبو زينة الفرح والاغانى شغاله

الزغاريت صوتها عالى والعروسه زعلانه

الجيران جايه تبارك فرحانه والعروسه

قاعده غضبانه

الصقفه تبرن والبنت بترقص والعيال بتزن

الشربات بيتوزع

وأنا قلبى بيتوجع

الضحكه على عيون الناس وأنا فـ عنيا دمعه

تنزل على الارض وتنداس

جه معاد الكوافير بيدورو الفستان فين

العروسه مخبياه

قلبو عليه المكان ولقيوه نزلت دموع حبيبتى

لحظتها قريبتى راحت تواسيها عيطت عليها

العريس جاى يطمن والضحكه على خده مترين

جايب معاه عربيتين

وحده ليه والتانيه لنور العين

عاوز يسلم عليها قالت مشغوله خليها بعدين

أنا هروح منك فين

راحت الكوافير وخلصت فى غمضه عين

مش عاوزه اليوم يعدى لكن الوقت مش بيهدى

جات الزفه بتهيص فى الشارع والعروسه حزينه وبالها مشغول

بتفكر فى اللى إتمنته يا ترى عامل إيه ؟

اللى إتمنتيه ياعينى عليه

قاعد والدموع بيشيلها بإيديه

المناديل كترت حواليه قاعد ساكت وسط المعازيم

المعازيم بيقولو مش دا اللى كان ؟؟؟؟؟

أه هو !!!!

مستنى يطمن عليها وهيختفى من قدام عنيها

وصلت الزفه والناس راحت تبارك وتهنى

إشتغلت موسيقى الكمان

ياااه يا إنسان قد إيه إنتا ضعيف وغلبان

راح خيالى لبعيد والدموع بتزيد

كان نفسى أنا اللى أمسك إيدها وأمشى وسط المعازيم

نرقص على موسيقى الكمان والضحكه على الخدين بتبان

كانت أيامى معاها حلم جميل صحيت منه على واقع أليم

رقص العريس والعروسه والحزن فـ عنيها باين عليها

أرسلتلها إهداء أخير قبل الرحيل

إبتسمى وعيشى الواقع ولا تعودى للماضى

فما بقى من قصتنا شىء سوى التمنيات بالسعاده

إعلمى يا من كانت تـُغرد العصافير لكى كل صباح

إنكى كلما تبسمتى فرح قلبى لكى

إجعلى قلبى يفرح وتبسمى دائمأ

وداعأ يا من أخلصتى للنهايه

وها هيا النهايه

نهاية عاشقان فرقهما الزمان

الوداع

مابقى شىء الحب والقلب ضاع

الوداع

صعب اووووووووي يا ياسر
ميرسي للتوبيك الجميل

الله عليك يا ياسر حلوة اوووووووووووى